إستذكر الممثل المصري حسام داغر والدته الراحلة في الذكرى السنوية الخامسة لوفاتها وذلك عبر صفحته الخاصة على موقع التواصل الإجتماعي.

نشر داغر صورة لوالدته أرفقها بتعليق :"النهاردة الذكري السنوية الخامسة لوفاة والدتي ست الكل حبيبتي.. ببص على ملف الصور بتاعتنا سوا على موبيلي لقيتني بشوف نفس الصور هي هي من ٥ سنين .. طبيعي لان الصور مش بتزيد من وقتها وًالملف هو هو .. قربت احفظ كل الصور من كتر ما بتفرج عليها و بشوف ماما حبيبتي لما كانت لسه معايا و حواليا و بحكيلها كل حاجة و بشوف ذكرياتنا سوا في كل مكان رحناه سوا".
وتابع داغر :" للاسف الصور مبتزيدش، لانها راحت خلاص، لو كنت اعرف كنت اتصورت معاكي اكتر كتير و صورتك فيديوهات وانتي بتحكي معايا وتنصحيني، كنت صورتك وانتي بتضحكيني وتضحكي من كلامي، كنت صورت ضحكتك وطيبتك الي الناس كلها كانت عارفاها علشان الي ملحقش يعرفك علي الاقل يشوف روحك من الفيديوهات دي وانتي بتتكلمي وتضحكي وتهزري مع صحابي زي عادتك، كنت صورتك و انتي بتحكي عن عيلتنا بكل فخر و حب و عندك حواديت كتيرة عنها و كنتي فاكراها صم، يا ريتني صورتك كتير ،كان زمان ملف صورنا فيه صور متتعدش وتونسني لما احب اقعد معاكي، لكن للاسف الصور في الملف هي هي، والصور مش هتزيد تاني خلاص".