احتفلت الممثلة المصرية ثراء جبيل بزفافها على الممثل مختار الديناري في حفل زفاف أقيم على شاطئ البحر بحضور المقربين والأصدقاء.

واختارت ان تطل بفستان أبيض مميز من خلال قصته اذ تميزا بكمين طويلين اضافة الى فتحة على منطقة البطن، وتركت شعرها منسدلا على كتفها مع طرحة من الشيفون.

وفي وعود وجهتها لزوجتا قال ثراء جبيل: "مختار، عايزة أقولك إني بعيش أجمل أيام حياتي وعرفت معنى الحب، وعرفت أن أجمل حاجة في الدنيا أن يبقى معاك حد أنتيمك وصاحبك وفي ضهرك وزوج حنين وبني آدم جميل وطموح ودايما مع بعض يارب ناجحين ودايما في أعلى نقطة في العالم".

فيما وجه مختار الديناري في الزفاف قال فيها: "شكرا أنكم جيتوا النهاردة لينا دا حدث جميل بصراحة أنا عمري ما تخيلت إني هتجوز بس الجميل أنك لما تلاقي حد قلبه على قلبك وفي ضهرك وبيكمل حاجات فعلا مش موجودة عندك، مش زيك مختلف عنك لكن أنتوا الاتنين بتكملوا صورة حلوة، أنا بحب ثراء جدا عشان معاها لقيت حاجة حلوة بمعنى أنك عندك طاقة تصحى كل يوم الصبح تعمل حاجات ممكن تكون بتحبها وممكن تكون مش بتحبها معندكش مشكلة تتكيف مع أي ظروف تتحط فيها بس عشان خاطر أن في حد بيشوفك بعيون حلوة وتفضل محافظ عليه، والأجمل من أي حاجة مع ثراء لقيت عيلتي ودا أجمل من أنك بتحب شخص بس، عرفت معنى العيلة والانتماء وأن يبقى عندك أهل بتحب تشتغل وتعمل حاجات كتيرة عشان يشوفوك بعين حلوة".

وكانت ثراء جبيل قد كشفت سبب عقد قرانهما في أميركا قبل عام وقالت : "بعد ما مختار جاتله منحة فولبرايت وعشان هيقعد سنتين قررنا نتجوز في أمريكا في أجمل وقت في السنة بالنسبالي في الكريسماس 25/ 12/2023".