12:42 المشاهير العرب بسبب تصريحاته عن "القبلة" في الأفلام.. سارة نخلة تهاجم هادي الباجوري

هاجمت الممثلة المصرية سارة نخلة المخرج المصري هادي الباجوري بسبب تصريحاته حول "القبلة" في الأفلام والتي أكد فيها أن القبلة في الأفلام ليست عيبًا، وردت أن هذا الرأي يتجاوز القيم والمبادئ الراسخة في المجتمع.

وقالت سارة: "إزاي تستهين بالقيم والمبادئ اللي مجتمع كامل متربي عليها بالشكل ده؟ يعني حضرتك شايف إن تعليم ولادنا إن البوسة بين اتنين مش متجوزين حاجة عادية؟ الكلام ده مش مجرد رأي، ده اعتداء واضح على قيم وأخلاق مجتمعنا. السينما النظيفة مش مجرد شعار فاضي، دي محاولة لتقديم فن يحترم مشاعر وأفكار الجمهور، ولما تقول السينما مبتستحماش يعني؟ ده كلام مستفز وتجاوز لكل الخطوط الحمراء. كتير بيتكلموا عن حرية التعبير، بس الحرية دي عمرها ما كانت تبرير للإساءة أو الاستفزاز. يا أستاذ هادي، لو عندك مشكلة مع القيم اللي مجتمعك متربي عليها، مفيش حد أجبرك تلتزم بيها، لكن ما ينفعش تطلع تهاجمها بالشكل ده، اللي قلته مش رأي ولا إبداع، ده استهزاء واستخفاف بعاداتنا وتقاليدنا، وده شيء مرفوض تمامًا".