08:53 المشاهير العرب تفاصيل صـ ـادمة حول طلاق رنا سماحة وسامر أبو طالب...عانت معه ورفض الإنفاق على إبنه!

كشفت الإعلامية المصرية مروة صبري تفاصيل جديدة حول انفصال الفنانة المصرية رنا سماحة عن زوجها الملحن سامر أو طالب، وأشارت الى ان رنا رفعت قضية خلع عليه وتنازلت عن حقوقها وحقوق ابنها حتى تحصل على الانفصال.

وقالت مروة صبري خلال تصريحات تلفزيونية في برنامج "قعدة ستات": "أنا صديقة مقربة جدا من رنا سماحة هي حبيبتي وصاحبتي والنهاردة هكلمكم عن حاجات لأول مرة هتتقال.. رنا فاجأتنا بإعلان طلاقها من سامر أبو طالب، أنا كلمت رنا بعد ما اعلنت طلاقها قالتلي هقولك كلام ولأول مرة هقوله وعايزاكي تطلعي تقوليه في البرنامج عن لساني، أنا اتطلقت بقضية خلع مش طلاق طبيعي وكنت عايشة معاناة بقالي فترة طويلة جدا وتقريبا كنت في حالة تعذيب معاه من بداية ما اتجوزنا ولما كنت حامل في ابني مالك كان في انفصال حصل ومشاكل كتيرة وحاولت اتجاوز ومش بحب اطلع اتكلم في الإعلام عن حياتي الشخصية وحاولنا نكمل الحياة مرة تانية لكن الموضوع مقفول تماما".

أشارت: "رنا قالت لي أنا رافعة قضية الخلع من 6 شهور واتحكم فيها وهو رافض يديني حقوقي وقالي لازم تتنازلي عن كل حقوقك وأنا في سبيل إني أخد حريتي وأبعد عنه قررت أتنازل عن كل حقوقي وحقوق ابني وأعمل خلع من كتر ما هي كانت عايشة في عذاب اللي أنا مستغرباه أن رنا أول مرة تتكلم، رنا بطبيعتها وأنا صديقتها مش بتحب تتكلم عن أي مشاكل".

وأضافت: "قالت إن كان في ناس كتير جدا من المقربين منهم كان بيحاول يصلح العلاقة بينها وبين طليقها سامر في البدايات وقت ما كانت حامل ومن ضمنهم المطرب المحترم رامي صبري، وبالفعل نجح ورجعوا لبعض، وقالت إن رامي حاول أنه يتدخل مرة تانية في الموضوع اللي بقاله 6 شهور أو أكتر وماكنتش تتكلم لحد ما تاخد حريتها ولكن الموضوع مش نافع".

وختمت: "قالت لي على لسانها سامر مكنش بيصرف عليا لا أنا ولا ابنه أنا قاعدة مرمية في بيت أبويا وأمي بقالي 6 شهور مش عايز يصرف جنيه على ابنه، رافض أن هو يدخلهم شقة الزوجية اللي اتجوزوا فيها وهو اللي قاعد فيها".