11:30 المشاهير العرب أصالة تروي ذكرياتها مع جارتها المسيحية وتنقل رسالة التعايش الديني الوطني

كشفت الفنانة السورية أصالة، عن قصة حملتها معها منذ طفولتها، جمعتها بـ"جارتهم المسيحية" بحسب وصفها، متحدثة عن طيب العلاقة التي جمعت المجتمع السوري، والتي تقوم على المحبة والصداقة.

وكتبت أصالة على صفحتها الخاصة على موقع التواصل الإجتماعي: "بدي عايد هالمرّة بقصّة صار وقت أحكيها وهيي حكاية عنّي وكتير ناس متلي عاشوها بوطني سورية بحارتي مع جيراني مع أصحابي منهم قالوا ومنهم احتفظوا فيها، أوّلها لمّا كنت بيبي "ومازلت" أمّي الحبيبة الله يحفظ لي ياها كانت لمّا بدها تروح مع أبي مشوار الله يرحمه ويرحم كلّ الطيبين كانت تتركني عند جارتنا وإسمها "أم ڤيكي" مابتذكّرها بس أمًي كتير بتحكي لنا عنها ولليوم لسًه الحكاية بتنعاد من لطفها وطيبتها ومعناها الحلو وذكراها الطيّب وهالست كان عندها بيبي بعمري وأمّي بتقول ماكانت موضة البيبرون وكان اللي بتعمله أمًي كلّ أهل سورية "تقريباً" بيعملوه بطرق مختلفه ..المهم بتقول أمّي إنها مرّات كانت لمّا بتتأخّر بالمشوار وتقلق وتطلع عند جارتنا ( أم ڤيكي) تلاقيني رضعت ونمت وتاخذني عالبيت شبعانة ومرتبة ونايمة وتكرر هالموضوع مرات ومرات وبكل مرّة نفس الشي ترجع تلاقيني شبعانة ومرتبة ومرتاحة ونايمة ورغم إنّه أمّي الله يحفظها ويحفظ أمهاتكم ويرحم اللي راحوا من بيت متديّن محافظ إلّا إنها ماقلقت أو ترددت إنها تتركني كمّ مرّه عند جارتنا المسيحية وشارك بنتها نصيبها من حليب أمّها وكون أختها بالرضاعة".
وأضافت أصالة: "هيك كتير من بيوت السوريين بيتشاركوا بحيطان عليها براويز لصور ستنا مريم وحكم لسيّدنا علي بن أبي طالب وحكايا عن عدل عمر بن الخطاب وبطولات صلاح الدين الأيوبي وأكتر من هيك ..نحنا خلقنا وتكوّن هالمجتمع اللي مالازم يتغير ولازم نحافظ عليه لأنّه عنوان للإنسانية والتعايش الحقيقي الطّيب".
وختمت أصالة رسالتها قائلة: "هلّأ بقدر قول كلّ عيد ميلاد مجيد وأنتوا بخير ياأهلنا وحبايبنا وشركاء الحياة".