شوبير لجماهير الأهلي: ''في حاجة مش طبيعية''

كانت جماهير الأهلي قد شنت هجوما عنيفا على اللاعبين قبل انطلاق المباراة وحملت لافتات انتقاد لهم وعقب نهاية المباراة بفوز الأهلي 6-1 نادت الجماهير على اللاعبين لكن محمد رمضان المدير الرياضي ومحمود كهربا منعوا اللاعبين من التوجه للجماهير.

وقال أحمد شوبير في تصريحاته خلال برنامجه مع شوبير على راديو أون تايم سبورت: "عايز أكلم بصراحة شوية قد تغضب البعض وقد تسعد البعض قبل المباراة قلت يارب أي مكسب ولو واحد صفر في ظل الظروف الصعبة اللي بيمر بيها الأهلي، ولما دخل فينا جون بعد 20 دقيقة قولت يارب نتعادل ولما بدأت المباراة عدد الجماهير كويس وبعض الهتافات واللافتات قبل المباراة تعدي، إنما الأمور تتجاوز ده مش كويس".

وأوضح شوبير: "الأهلي كسب 6 وحصلت مصالحة داخل الملعب، والجماهير غاضبة بس فيه حدود يا جماعة خلينا نعرف المشجع مشجع واللاعب لاعب والمدرب مدرب، إنما يا جماعة تدوس على اللاعيبة ده مش كويس ومش طول الوقت تفضل حاطط السكينة على رقبتي".

وتابع نجم الأهلي السابق: "حضرتك أنا بشر برضه وكلنا بشر وكلنا معرضين للخطا، وأيه الخطأ اللي وقع فيه لاعيبة الأهلي بنالتي ضاع هتعمل أيه أدي الله وأدي حكمته فأيه اللي بيحصل ده هل ده مقبول".

وأضاف شوبير: "فالنهاردة أنت ماسك محمد رمضان وماسك كهربا فأنا بقول لجمهور النادي الأهلي مكانش ده موجود في الأهلي والقصة دلوقتي بقت رمضان لازم يمشي وكهربا لازم يمشي، لا يا جماعة فيه حاجة مش طبيعية بتحصل أنا بكلم جد أنا مش مصدق ومستغرب جدا، جمهور الأهلي لازم يكون مساند إنما فيه أيه يا جماعة فيه ريحة مش حلوة كده".

وحقق فريق الكرة الأول بالنادي الأهلي فوزا كبيرا على نظيره شباب بلوزداد الجزائري، بسداسية مقابل هدف وحيد.

والتقى الأهلي مع شباب بلوزداد، في الجولة الثالثة من دور المجموعات من بطولة دوري أبطال إفريقيا، على ملعب استاد القاهرة الدولي.

ويتواجد الأهلي في المجموعة الثالثة والتي تضم شباب بلوزداد مع أورلاندو بايرتس الجنوب إفريقي واستاد أبيدجان الإيفواري.

تأخر الأهلي في النتيجة بهدف عن طريق أيمن محيوص في الدقيقة 21 من عمر اللقاء، قبل أن يرد بستة أهداف.

وأحرز للأهلي وسام أبو علي بواقع 3  أهداف، وحسين الشحات وبيرسي تاو وإمام عاشور في الدقائق 48 من عمر الشوط الأول، و51  و65 و84 و86 و93

بتلك النتيجة يستعيد الأهلي صدارة ترتيب المجموعة الثالثة في دوري أبطال إفريقيا برصيد 7 نقاط، فيما يتجمد رصيد بلوزداد عند 3 نقاط في المركز الثالث.

يمكنك مشاركة الخبر علي صفحات التواصل