تحدثت الفنانة سلمى أبو ضيف على السوشيال ميديا وما يحدث بها من أشياء مزعجة وتطاول وانتهاكات للحقوق لعالم افتراضي نرى به جزء بسيط جدا من حياة الإنسان، ولكن هذا الجزء يجعلنا نرصد عليه أحكام وافتراضات وهمية، وذلك بعد تعرضها للهجوم في الفترة الماضية بسبب صورها التي تبرز بها حملها.

سلمى أبو ضيف تهاجم رواد السوشيال ميديا 

وكتبت سلمى أبو ضيف في منشور رصده موقع تحيا مصر عبر حسابها الرسمي بموقع تبادل الصور والفيديوهات انستجرام: في يوم ما و أنا قاعدة مبحلقة في السما لا يشغلني شئ و لكن بعض الافتراضيات نصها حقيقي و النص التاني من وحي خيالي .. استوقفتني معني كلمة الافتراض و هي عبارة عن نظرية بدون تجربة أو واقع حصل.

وتابعت سلمى أبو ضيف في حديثها: هي وجهة نظرك الشيك اللي أنت قررت تفترضها لا و كمان تفرضها علينا كحقيقة مطلقة و مبدأ انت اخترعته في قموسك اللي مبني علي البيئة اللي انت عشت فيها و شوية الحاجات اللي قالك عليها أبوك و أمك و الدين اللي اتعلمتة شوية من المدرسة علي شوية من جدودك من غير تفقة و لا تأمل فية و شوية حاجات المجتمع اللي حواليك حطها في دماغك علي شوية من المستوي التعليمي اللي نشأت فية و مجهودك الشخصي لتثقيف نفسك أو تشغيل دماغك بدون كل ماسبق.

سلمى أبو ضيف: شاشة بتخلينا مطلق أحكام وافتراءت على شوية صور 

وأضافت سلمى أبو ضيف: يجي العالم الافتراضي اللي من موقعي هذا بقول فية الكلمتين دول .. شاشة واحدة تفصلنا عشان من خلالها نطلق أحكام و نظريات و أفتراءات علي شوية صور أفتراضناها من وحي خيالنا و مدي استيعابنا و صورتنا لذات نفسنا في المراية اللي حبناها أو كرهناها و مش عارفين نواجه نفسنا بيها .. فبنصدق شوية ناس و مشاهير مانعرفهمش من صور هما حطينها .. الله حياتهم جميلة قد اية .. او الله بصي هي سافلة ازاي و مش لابسة هدومها و كافرة و وحشة و فاشلة و لا بصي قد اية دمها تقيل ازاي ! الله دة عظيم و دمة خفيف زي القمر و مجاش زية انت عالمي جبار.

سلمى أبو ضيف: الناس بتوريك اللي عايزاه من حياتها وان مقضيها تنظير 

واختتم سلمى أبو ضيف حديثها، قائلة: كل العالم الافتراضي دة خلقلك مساحة تبني و تحط كل الافتراضات و الافتراءات اللي نفسك فيها و صورتك لنفسك المنعكسة لضميرك و ذاتك و وعيك قدام عينيك جواك بشكل حقيقي و لغيرك بشكل وهمي .. عموماً تصبحوا علي خير علي كم صور و حياة ناس كتيير بتوريك جزء 00.1 من حياتها الحقيقية و انت مصدق ان دة الواقع و مقضيها تنظير و إطلاق أحكام علي واقع فشنك و مفيحش.